MƏHƏMMƏD BARADEİ İSRAİLİ İRANIN NÜVƏ REAKTORUNU BOMBALAMAQDAN ÇƏKİNDİRİR
Əl-Baradei demişdir ki, reaktorun bombalanması, ola bilsin, nüvə silahının istehsalını ləngidəcək, amma İran öz nüvə proqramlarını inkişaf etdirməkdən qalmayacaq və ona hücum edəndən mütləq qisas alacaqdır.
Onun fikrincə, indiki vəziyyətin öhdəsindən gəlməyin ən yaxşı üsulu İranla, habelə nüvə silahına malik olan digər ölkələrlə, məsələn, Şimali Koreya, Hindistan və Pakistanla danışıqları davam etdirməkdən ibarətdir.
Qəzetin Əl-Baradeidən müsahibə alan müxbiri nəzərə çarpdırır ki, atom bombasının terrorçuların əlinə keçməsinin mümkünlüyü BAEA başçısını xüsusilə narahat edir.
Xatırladaq ki, BAEA ilə birlikdə 2005-ci ilin Nobel sülh mükafatına layiq görülən Əl-Baradei bu yüksək mükafatın təqdim olunması münasibətilə təntənəli mərasimdə iştirak etmək üçün Norveçin paytaxtı Osloya gəlmişdir.
Bölmənin digər xəbərləri
