“Məhəmmədəli Mənafzada Sabit. Xatirat” kitabı çapdan çıxıb
Bakı, 15 noyabr, AZƏRTAC
AMEA-nın Məhəmməd Füzuli adına Əlyazmalar İnstitutunun Biblioqrafiya şöbəsinin böyük elmi işçisi Sonaxanım Hadiyevanın (Sona Xəyal) “Məhəmmədəli Mənafzada Sabit. Xatirat” kitabı işıq üzü görüb.
İnstitutdan AZƏRTAC-a bildirilib ki, müəllifin transfoneliterasiya edərək nəşrə hazırladığı bu kitabda “Sabit” təxəllüsü ilə yaşayıb-yaratmış şair, yazıçı, publisist, teatrşünas və pedaqoq Məhəmmədəli Mənafzadənin müxtəlif mövzularda şeirləri toplanıb.
Yeni nəşrin redaktoru filologiya üzrə fəlsəfə doktoru Samirə Əliyeva, rəyçiləri filologiya üzrə fəlsəfə doktoru Aytən Quliyeva və Qutiyera Cəfərovadır. Kitabda yer alan geniş “Ön söz”ün müəllifi Sona Xəyaldır.
Bölmənin digər xəbərləri
