Məişət soyuducularının idxalı azalıb
Bakı, 15 dekabr, AZƏRTAC
Ötən ilin yanvar-oktyabr ayları ilə müqayisədə bu ilin müvafiq dövründə mühüm məhsul növlərindən paltaryuyan maşınların idxalı 24,1 faiz, məişət soyuducuları 41,2 faiz azalıb, məişət kondisionerlərinin idxalı isə 42,8 faiz artıb.
AZƏRTAC Dövlət Statistika Komitəsinin məlumatlarına istinadla xəbər verir ki, cari ilin 10 ayında hesablama maşınları, blok və qurğularının idxalında isə 28,2 faiz azalma müşahidə olunub.
İdxalda maşınların, mexanizmlərin, elektrotexniki avadanlıq və aparatların, nəqliyyat vasitələrinin, kimya sənayesi məhsullarının, azqiymətli metallar və onlardan hazırlanan məmulatların, mineral məhsulların, hazır ərzaq məhsulları, içkilər və tütün məmulatlarının, bitki mənşəli məhsulların, plastik kütlə və ondan hazırlanan məmulatların, toxuculuq materialları və məmulatlarının dəyəri üstünlük təşkil edib.
Bölmənin digər xəbərləri
