Meksikada ağır yol qəzası nəticəsində 21 nəfər ölüb
Bakı, 15 may, AZƏRTAC
Meksikanın Puebla ştatında baş verən ağır yol-nəqliyyat hadisəsi nəticəsində azı 21 nəfər həlak olub.
AZƏRTAC xəbər verir ki, qəza zamanı xəsarət alan şəxslər yaxınlıqdakı xəstəxanalara çatdırılıb.
Regionun daxili işlər naziri Samuel Aqiların sözlərinə görə, hadisə Kuaknopalan-Oaxaca avtomobil yolunun 31-ci kilometrliyində qeydə alınıb. Qəzaya yük maşını sürücüsünün ötmə əməliyyatı həyata keçirərkən qarşı zolağa çıxması səbəb olub. Nəticədə yük maşını əvvəlcə avtobusla, daha sonra isə mikroavtobusla toqquşub.
Bölmənin digər xəbərləri
