“MƏN... QAN VERİB HƏYATI XİLAS EDİRƏM”
İyunun 13-də Səhiyyə Nazirliyində “Respublikada qan donorluğunun inkişafı” mövzusunda mətbuat konfransı keçiriləcəkdir. Konfransda cəmiyyətin, Səhiyyə Nazirliyinin, Elmi Tədqiqat Hematologiya və Transfuziologiya İnstitutunun, Qan Bankının, Talassemiya və Hemofiliya Assosiasiyalarının nümayəndələri jurnalistlərin suallarına cavab verəcəklər.
İyunun 14-də cəmiyyət il ərzində fəallığı ilə fərqlənmiş könüllü qan verənləri bir yerə toplayacaqdır. Toplantıda yuxarıda sadalanan qurumların nümayəndələri də iştirak edəcəklər. Donorlara hədiyyələr təqdim olunacaqdır.
Tədbirdə cəmiyyətin prezidenti, digər qurumların rəhbərləri çıxış edəcəklər, mövzu ilə əlaqədar videoklip nümayiş olunacaqdır.
“Mən... qan verib həyatı xilas edirəm” kampaniyası incəsənət ustalarının konserti ilə başa çatacaqdır.
Bölmənin digər xəbərləri
