Məntəqə sədri: Vətəndaşlarımız prezident seçkilərində böyük həvəslə iştirak etdilər
Bakı, 7 fevral, AZƏRTAC
Növbədənkənar prezident seçkilərində vətəndaşlarımız əvvəlki seçkilərlə müqayisədə yüksək fəallıq göstərərək böyük həvəslə iştirak etdilər. Qalib xalqımız seçki məntəqələrinə axın edərək demokratik və şəffaf şəkildə öz səslərini verdi.
Bu sözləri 8 saylı Binəqədi birinci seçki dairəsinin 28 saylı seçki məntəqəsi komissiyasının sədri Aynurə İbrahimova AZƏRTAC-a açıqlamasında deyib.
O bildirib ki, seçki məntəqəsində qeydiyyatda olan 1246 seçicidən 1100-dən çoxu səsvermədə iştirak edib. Bu, bir daha göstərir ki, seçici fəallığı yüksək səviyyədədir. Seçicilərin demək olar ki, 90 faizi məntəqəyə gələrək öz səslərini verib. Onlar səsvermə hüquqlarından sərbəst şəkildə istifadə etdilər”.
Bölmənin digər xəbərləri
