Mərkəzi Elmi Kitabxana yeni layihə təqdim edir: Kitabxana könüllüləri
Bakı, 9 dekabr, AZƏRTAC
Mərkəzi Elmi Kitabxana (MEK) “Kitabxana könüllüləri” adlı yeni layihəsini təqdim edir.
Bu barədə AZƏRTAC-a kitabxanadan məlumat verilib. Bildirilib ki, məqsəd tarixi zəfər qazanmış Azərbaycanın işğaldan azad edilmiş rayon, şəhər, kənd və qəsəbələrində MEK-in yaxından dəstəyi və könüllü qruplarının birgə təşəbbüsləri ilə Kitabxana-informasiya şəbəkəsinin yaradılması, həmçinin onun inkişafına və bərpasına dəstək olmaqdır. Müxtəlif yaş qrupları və əsasən fəal gənclərdən ibarət könüllülər qrupunun müxtəlif istiqamətlərdə kitabxananın fəaliyyətinə cəlb edilməsi, kitabxananın əhatə dairəsinin genişlənməsinə, genişmiqyaslı kütləvi tədbirlərin təşkilinə, birgə proqram və layihələrin həyata keçirilməsinə öz töhfəsini verəcək.
Qeyd edək ki, könüllülük fəaliyyəti ilə məşğul olan gənclər komanda mühitində daha yaxşı işləyir və ünsiyyət bacarıqları inkişaf edir. Dövlət tərəfindən göstərilən diqqət və qayğı könüllüləri bu fəaliyyətə daha da ruhlandırır.
Bölmənin digər xəbərləri
