Məscidlərdə imam və imam müavini vakant vəzifələrinin tutulması üçün növbəti müsahibə mərhələsi başlayıb
Bakı, 11 sentyabr, AZƏRTAC
Sentyabrın 11-də Azərbaycan Respublikası Dini Qurumlarla İş üzrə Dövlət Komitəsi (DQİDK) tərəfindən İslam dininə aid ibadət yerlərində (məscidlər) imam və imam müavini vakant vəzifələrinin tutulması üçün növbəti müsahibə mərhələsi başlayıb.
Komitədən AZƏRTAC-a bildiriblər ki, sentyabrın 19-na qədər davam edəcək müsahibələrdə 13 vakant vəzifəyə 180 nəfər namizədin seçimi aparılacaq.
Seçimlər DQİDK-nın ilahiyyatçılardan təşkil etdiyi Müsahibə komissiyası tərəfindən Azərbaycan İlahiyyat İnstitutunda (Məhəmməd Naxçıvani küçəsi, 29) aparılır. Müsahibənin nəticələri keçirildiyi gün Komitənin rəsmi internet saytında (scwra.gov.az) yerləşdirilir. Uğur qazanmış namizəd təsdiq edilmiş qaydalara əsasən müsahibə bitdikdən sonra 30 iş günü müddətində Komitə sədrinin əmri ilə İslam dininə aid ibadət yerinə və ya ziyarətgaha imam və imam müavini vəzifələrinə təyin olunacaq.
Bölmənin digər xəbərləri
