Milli Məclisin deputatları Qazaxıstanda parlament seçkilərini müşahidə edəcəklər
Bakı, 29 sentyabr (AZƏRTAC). Milli Məclisin deputatları Rüfət Quliyev və İqbal Məmmədov MDB Parlament Assambleyasının xətti ilə Qazaxıstanda parlament seçkilərinin gedişini müşahidə etmək üçün sentyabrın 30-dan oktyabrın 2-dək Almatı şəhərində səfərdə olacaqlar.
Milli Məclisin mətbuat xidmətindən AZƏRTAC-a bildiriblər ki, deputatlarımız Qazaxıstan Parlamenti Senatına keçiriləcək seçkilərə hazırlığın vəziyyəti ilə tanış olacaq, oktyabrın 1-də ölkənin müxtəlif seçki dairələrində iradəsini ifadə edən vətəndaşların fəallığına, səsvermə prosesində onların hüquqlarının təmin olunmasına, demokratik seçki qaydalarına riayət edilməsinə diqqət yetirəcəklər.
Bölmənin digər xəbərləri
