Millimizin üzvü Bəhlul Mustafazadə karyerasını Birləşmiş Ərəb Əmirliklərində davam etdirəcək
Bakı, 16 iyul, AZƏRTAC
Futbol üzrə Azərbaycanın milli komandasının müdafiəçisi Bəhlul Mustafazadə “Sabah”dan ayrılıb.
AZƏRTAC klubun saytına istinadla xəbər verir ki, 24 yaşlı müdafiəçi ilə müqaviləyə qarşılıqlı razılıq əsasında xitam verilib. Futbolçu bundan sonra Birləşmiş Ərəb Əmirliklərinin yüksək liqa təmsilçisi “Əl-Əyn” klubunda çıxış edəcək. Bu komandanı tanınmış ukraynalı mütəxəssis Sergey Rebrov çalışdırır.
Qeyd edək ki, müdafiəçi 2019-cu ildən “Sabah”da çıxış edirdi.
Bölmənin digər xəbərləri
