MOİK 1:2 HESABI İLƏ “STANDART”A MƏĞLUB OLMUŞDUR
Bakı, 12 avqust (AZƏRTAC). Azərbaycan futbol çempionatının birinci divizionunda mübarizə aparacaq Mərkəzi Ordu İdman Klubu (MOİK) növbəti yoxlama matçını keçirmişdir. 2009/10 mövsümünə hazırlıq xarakteri daşıyan bu oyunda “hərbçilər” Premyer Liqa təmsilçisi Sumqayıtın “Standard” komandası ilə qüvvəsini sınamışdır. Azərbaycan Dövlət Bədən Tərbiyəsi və İdman Akademiyasının stadionunda keçirilən görüş “Standard”ın 2:1 hesablı qələbəsi ilə nəticələnmişdir.
Mərkəzi Ordu İdman Klubunun mətbuat xidmətindən bildirmişlər ki, “hərbçilər” növbəti çempionata hazırlıq məqsədilə həftəsonu daha bir yoxlama oyunu keçirməyi planlaşdırmışdır.
Bölmənin digər xəbərləri
