Moldovanın MSK sədri seçkilərə hazırlığın səviyyəsini yüksək qiymətləndirib
Bakı, 7 fevral, AZƏRTAC
Azərbaycanın Seçki Məcəlləsi demokratik seçkilərin keçirilməsi üzrə bütün tələbləri ehtiva edir. Biz məntəqələrdə bu prosesin şahidi olduq.
Bu barədə AZƏRTAC-a müsahibəsində Moldova Mərkəzi Seçki Komissiyasının sədri Anjelika Karaman bildirib. O qeyd edib ki, seçkilər yüksək fəallıq şəraitində keçib: “Seçiciləri səsvermə proseduru və namizədlərin siyahısı ilə tanış edirdilər. Onlara bütün məlumatlar təqdim olunurdu”.
Seçki orqanlarının hazırlıq səviyyəsini yüksək qiymətləndirən A.Karaman, həmçinin Azərbaycan Mərkəzi Seçki Komissiyasının xidmətlərini qeyd edib. “Çox böyük iş aparılıb. Bütün bu səylər yüksək nəticələr verməyə bilməzdi”, -deyə o vurğulayıb.
Bölmənin digər xəbərləri
