MOSKVADA ATƏT-İN YENİDƏN QURULMASI MƏSƏLƏLƏRİ MÜZAKİRƏ OLUNMUŞDUR
AZƏRTAC-ın xüsusi müxbiri xəbər verir ki, Avropada Təhlükəsizlik və Əməkdaşlıq Təşkilatının (ATƏT) baş katibi Mark Perren de Brişambonun Moskvaya ikigünlük işgüzar səfəri çərçivəsində ATƏT-in yenidən qurulması, qurumun fəaliyyətinin səmərəliliyini artırmaq məsələləri müzakirə olunmuşdur.
Rusiya XİN-in İnformasiya və mətbuat departamentindən bildirmişlər ki, səfər zamanı bir çox məsələlər, o cümlədən ATƏT-ə ehtiyacın artması, onun potensialının yeni təhdidlərə və çağırışlara, terrorizmlə və narkotiklərin qanunsuz dövriyyəsi ilə mübarizəyə yönəldilməsi məsələləri müzakirə olunmuşdur. Moskva görüşlərində Avropa təhlükəsizliyinin üç meyarı – hərbi-siyasi, iqtisadi və humanitar meyarlar baxımından qurumun fəaliyyətinə nəzər salınmış, bəzi regional məsələlərə toxunulmuşdur.
Bölmənin digər xəbərləri
