MÜSTƏQİLLİK BAYRAMI AŞQABADDA QEYD OLUNMUŞDUR
Qəbulda Türkmənistanın xarici işlər naziri Rəşid Meredov, bu ölkədə fəaliyyət göstərən səfirlər, beynəlxalq təşkilatların, ictimai və yaradıcılıq birliklərinin nümayəndələri, Azərbaycan diasporunun üzvləri iştirak etmişlər.
Azərbaycanın və Türkmənistanın dövlət himnləri səsləndikdən sonra ölkəmizin Aşqabaddakı səfiri Elxan Hüseynov qəbula toplaşanları salamlamış, ölkəmizdə bütün sahələrdə aparılan islahatlar haqqında məlumat vermişdir. Səfir Azərbaycan və türkmən xalqlarının tarixən mövcud olmuş dostluq əlaqələrindən danışmış, ölkələrimiz arasında ikitərəfli əməkdaşlığın daha da inkişaf etdiriləcəyinə əminliyini bildirmişdir.
Türkmənistanın xarici işlər naziri Rəşid Meredov Türkmənistan Prezidenti Saparmurad Niyazovun və türkmən xalqı adından Azərbaycan xalqını müstəqillik günü münasibətilə təbrik etmiş, iki qardaş ölkələr arasında əlaqələrin möhkəmləndirilməsinin vacibliyini bildirmişdir.
Müstəqillik günü ilə əlaqədar səfir Elxan Hüseynov ölkənin kütləvi informasiya vasitələrinə və Türkmənistan televiziyasına müsahibə vermişdir.
Bölmənin digər xəbərləri
