MÜVƏQQƏTİ KÖÇKÜNLƏRƏ ELEKTRİK ENERJİSİ FASİLƏSİZ VERİLİR
Havaların kəskin şəkildə soyuması və güclü qar yağması məcburi köçkünlərin yaşayış şəraitinə necə təsir göstərmişdir? AZƏRTAC-ın müxbiri Dövlətqaçqınkomun mətbuat xidmətinə belə sualla müraciət etmişdir. Mətbuat xidmətindən verilən məlumata görə, Dövlətqaçqınkomda qışa hazırlıq yaydan başlayaraq, planlı şəkildə aparılmışdır. Müvəqqəti köçkünlərin evlərinin damları təmir edilmiş, yanacaq verilmişdir. Köçkünlərin yaşayış yerləri elektrik enerjisi ilə fasiləsiz təmin olunur, transformator və ya kabellər sıradan çıxdıqda isə elə həmin gün təcili surətdə yenisi ilə əvəz edilir.
Bölmənin digər xəbərləri
