MUXAX ÇAYI ÜZƏRİNDƏ KÖRPÜNÜN TİKİNTİSİ BAŞA ÇATMIŞDIR
Rayon icra hakimiyyətindən bildirmişlər ki, 1992-ci ildə inşasına başlanılan və maliyyə çətinlikləri üzündən 1994-cü ildə tikintisi dayandırılan 42 metr uzunluğunda bu körpüdə tikinti-quraşdırma işləri 2006-cı ildə yenidən bərpa edilmişdir. Nəqliyyat Nazirliyinin maliyyələşdirdiyi qurğunun tikintisini 17 saylı yol-istismar idarəsinin kollektivi həyata keçirmişdir. Körpünün istismara verilməsi Zaqatala və Qax rayonları arasında sərnişin və yük nəqliyyatı xidmətinin yaxşılaşdırılmasına müsbət təsir göstərəcəkdir.
Bundan əlavə, hazırda Zaqatala şəhərində Bəkməz çayı üzərində daha bir körpünün inşasına başlanılmışdır. Smeta dəyəri 17 min manat olan körpünün tikintisini də 17 saylı yol-istismar idarəsi həyata keçirir.
