MUXTAR RESPUBLİKADA ENERJİ TƏMİNATI YAXŞILAŞIR

16.05.2006 [16:07]
Çap et
A⁺ A^-

“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, yenidənqurma işləri, demək olar ki, başa çatan Naxçıvan qaz-turbin elektrik stansiyasının bütün blokları sınaqdan keçirilmişdir. Hazırda stansiyanın üç bloku tam gücü ilə işləyir. Dördüncü blokda isə quraşdırma işləri həyata keçirilir.

Stansiyada gün ərzində 650-700 min kilovat-saata qədər elektrik enerjisi istehsal edilir. Dördüncü blok da işə qoşulandan sonra bu, 1 milyon kilovat-saata çatacaqdır.

Muxtar respublikada gün ərzində, orta hesabla, 2 milyon 852 min kilovat-saata yaxın elektrik enerjisi sərf olunur ki, bunun da 1 milyon 151 min kilovat-saatı yerli enerji obyektlərində istehsal edilir.

Əhalinin elektrik enerjisinə olan tələbatının tam ödənilməsi üçün hazırda hər gün muxtar respublikanın energetika sisteminə Türkiyədən 653 min kilovat-saat, İrandan isə 1 milyon 48 min kilovat-saat elektrik enerjisi verilir.

MUXTAR RESPUBLİKADA ENERJİ TƏMİNATI YAXŞILAŞIR

MÜƏLLİFLƏ ƏLAQƏ

Bölmənin digər xəbərləri