İQTİSADİYYAT
MUXTAR RESPUBLİKANIN TƏBİİ QAZLA TƏMİN EDİLMƏSİ BARƏDƏ SƏNƏD İMZALANACAQ
“Azəriqaz” Səhmdar Cəmiyyətindən AZƏRTAC-ın müxbirinə bildirmişlər ki, bu ilin martında Bakıda Naxçıvan Muxtar Respublikasının təbii qazla təmin olunması barədə İran nazirliyi ilə sənəd imzalanacaqdır. Cəmiyyətin xarici iqtisadi əlaqələr departamentinin başçısından, “Azəriqaznəql” istehsalat birliyinin prezidentindən və digər mütəxəsislərdən ibarət işçi qrupu sənədin təfərrüatını dəqiqləşdirmək üçün Tehranda səfərdədir.
Xatırladaq ki, Naxçıvan MR-in ildə 350 milyon kubmetr həcmində təbii qazla təmin olunması barədə memorandum hələ 2002- ci ilin payızında imzalanmışdı. Mütəxəssislərin fikrincə,layihənin həyata keçirilməsinin geçikdirilməsinin əsas səbəbi Muxtar Respublikanın ərazisindən keçən əsas qaz kəmərindəki texniki problemlərdir. Bu qaz kəməri,çox güman, İran və Azərbaycan mütəxəssislərinin birgə səyi ilə bərpa ediləcəkdiər.
Bölmənin digər xəbərləri
