MUZEY EKSPONATLARI BƏRPA OLUNUR
Mərkəzin direktoru Zərifə Məlikova bildirmişdir ki, Üzeyir Hacıbəyovun 121 illik yubileyi ilə əlaqədar onun ev-muzeyində bir çox eksponat bərpa olunsa da, tamamlama işləri hələ də davam etdirilir. Bəstəkarın anası Şirin xanımın kəlağayısının və başqa üst geyimlərinin bərpaya ehtiyacı vardır.
Bərpaçılar körkəmli şair və maarifçi Abdulla Şaiqin ev-muzeyində mebel dəstinin bərpası ilə də məşğuldurlar. C.Cabbarlı adına Dövlət teatr muzeyində proqram və afişalar üzərində iş isə başa çatmaq üzrədir.
