Myanma polisi fırıldaqçılıqda şübhəli bilinən 352 Çin vətəndaşını ekstradisiya edib
Bakı, 1 aprel, AZƏRTAC
Myanma polisi telekommunikasiya fırıldaqçılığı şübhəsi ilə həbs olunan 352 nəfər Çin vətəndaşını öz ölkəsinə təhvil verib.
AZƏRTAC Sinxua agentliyinə istinadla xəbər verir ki, bu barədə Çinin İctimai Təhlükəsizlik Nazirliyi məlumat yayıb.
Məlumata görə, Myanmanın şimalındakı Muse bölgəsində yerli polisin çinli həmkarları ilə birgə keçirdiyi əməliyyat nəticəsində sərhəddə telekommunikasiya fırıldaqçılığı ilə məşğul olan 807 şübhəli həbs edilib. Onlardan 352-i Çin, 455-i isə Myanma vətəndaşıdır.
Bölmənin digər xəbərləri
