“Nant” – “Qarabağ” matçını danimarkalı hakimlər briqadası idarə edəcək
Bakı, 25 oktyabr, AZƏRTAC
Fransada “Nant” və “Qarabağ” komandaları arasında keçiriləcək UEFA Avropa Liqasının qrup mərhələsinin beşinci tur oyununa hakim təyinatları açıqlanıb.
AZƏRTAC xəbər verir ki, qarşılaşma Danimarkadan olan hakimlər briqadasına tapşırılıb.
Matçın baş hakimi Yakob Kehlet olacaq. Ona Lars Hummelqard və Viktor Skite kömək edəcəklər. Dördüncü hakim funksiyasını Yorgen Burçard yerinə yetirəcək.
VAR hakimi niderlandlı Yeroen Manskot, onun köməkçisi Rob Diperinkdir.
Almaniyalı Peter Sippel hakim-inspektor, monteneqrolu Amil Gerina UEFA nümayəndəsi olacaq.
Oktyabrın 27-də keçiriləcək matç Bakı vaxtı ilə saat 23:00-da başlayacaq.
Bölmənin digər xəbərləri
