Narkotiklərin qanunsuz dövriyyəsində şübhəli bilinən şəxsdən bir kiloqramdan çox heroin aşkarlanıb
Bakı, 8 sentyabr, AZƏRTAC
Polis əməkdaşları narkotik vasitələrin qanunsuz dövriyyəsi ilə məşğul olan şəxslərin tutularaq məsuliyyətə cəlb olunmaları istiqamətində əməliyyat tədbirini davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, Xətai Rayon Polis İdarəsinin 37-ci polis şöbəsinin əməkdaşlarının əldə edilmiş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini X.Muxtarov saxlanılıb.
Axtarış zamanı ondan 1 kiloqram 15 qramdan çox heroin aşkarlanaraq götürülüb.
Faktla bağlı araşdırmalar davam etdirilir.
Bölmənin digər xəbərləri
