Natalya Kuvşinova: Azərbaycan Konstitusiyası ölkənin etibarlı hüquqi təminatıdır
Bakı, 29 oktyabr, AZƏRTAC
Bu il Azərbaycan əlamətdar bir yubileyi qeyd edir. Azərbaycanda Konstitusiyanın qəbul edilməsinin 30 illiyi tamam olur. Azərbaycanın Konstitusiyasının işlənib hazırlanmasında bir çox ölkələrin təcrübəsi, eyni zamanda, milli-mədəni xüsusiyyətlər nəzərə alınıb. Nəticədə isə bu sənəd ən dəyərli əlamətləri ilə Azərbaycanın nüfuzunu və suverenliyini qoruyub, milli birliyin və müstəqilliyin güclü təməlini qoyub.
AZƏRTAC xəbər verir ki, bunu Rusiya Federal Məclis Federasiya Şurasının üzvü Natalya Kuvşinova Milli Məclisdə Azərbaycan Respublikasının Konstitusiyasının qəbul edilməsinin 30 illiyinə həsr olunmuş "Konstitusiya müasir dünyada dövlətlərin müstəqilliyinin və suverenliyinin təməli kimi" mövzusuna həsr edilən beynəlxalq konfransda çıxışı zamanı deyib.
N.Kuvşinova qeyd edib ki, Azərbaycan Konstitusiyası ölkənin etibarlı hüquqi təminatıdır: “Rusiya və Azərbaycan arasında olan ikitərəfli münasibətlərin inkişafına hər iki ölkənin dövlət başçıları çox önəmli təkan verirlər. Onlar daim konstruktiv münasibətlər qururlar. Hər iki ölkə Birləşmiş Millətlər Təşkilatında regional təhlükəsizliyin qorunması və beynəlxalq terrorçuluğa qarşı mübarizədə səylərini əlaqələndirir. Biz Azərbaycanın BRICS dövlətləri çərçivəsində səylərini dəstəkləyirik”.
Bölmənin digər xəbərləri
