NAXÇIVANDA BAŞ VERMİŞ YOL-NƏQLİYYAT QƏZASINDA İKİ NƏFƏR ÖLMÜŞDÜR
AZƏRTAC xəbər verir ki, Ordubad-Naxçıvan yolunun Culfa rayonu ərazisindən keçən hissəsində ağır yol-nəqliyyat qəzası baş vermişdir. Naxçıvan şəhər sakini Rasim Zülfüqarov idarə etdiyi “Tofaş” markalı avtomaşını aşırmışdır. Nəticədə xəsarət almış R.Zülfüqarov, sərnişinləri - həmyerliləri Ramin Bayramov, Akim Novruzov, Rəhim Səfərov və Elməddin Həsənov xəstəxanaya yerləşdirilmişlər. R.Bayramov və A.Novruzov orada ölmüş, digərlərinin vəziyyəti isə orta ağırdır.
Hadisə ilə bağlı cinayət işi açılmışdır, təhqiqat aparılır.
Bölmənin digər xəbərləri
