Naxçıvanda orta aylıq əməkhaqqı artıb
Naxçıvan, 16 iyul, AZƏRTAC
Cari ilin yanvar-may aylarında Naxçıvan Muxtar Respublikasında orta aylıq nominal əməkhaqqı 766,7 manat olub ki, bu da ötən ilin müvafiq dövrü ilə müqayisədə 18 faiz çoxdur.
NMR Dövlət Statistika Komitəsinin mətbuat xidmətindən AZƏRTAC-ın Naxçıvan bürosuna bildirilib ki, bu ilin yanvar-iyun aylarında muxtar respublikada əhaliyə göstərilən ödənişli xidmətlərin dəyəri 91 milyon 690 min manat olub. Bu da 2023-cü ilin müvafiq dövrü ilə müqayisədə 0,8 faiz çoxdur.
Bundan başqa, 1 iyun 2024-cü il tarixə muxtar respublikada əhalinin sayı bir il öncəyə nisbətən 2675 nəfər və ya 0,6 faiz artaraq 469460 nəfər olub.
Bölmənin digər xəbərləri
