NAXÇIVANDA UŞAQ BƏRPA MƏRKƏZİ ÜÇÜN YENİ BİNA TİKİLİR

06.10.2006 [03:06]
Çap et
A⁺ A^-

AZƏRTAC-ın müxbiri xəbər verir ki, Naxçıvan Muxtar Respublikasında Uşaq Bərpa Mərkəzi üçün yeni bina tikilir. Əlil uşaqların müalicəsinə dövlət qayğısının göstəricisi olan bina Naxçıvan şəhərində inşa olunur.

66 çarpayılıq mərkəzin əsas korpusu ikimərtəbəli, stasionar müalicə korpusu isə birmərtəbəlidir. Yeni şəfa ocağında hər biri iki nəfərlik 8 palata, fizioterapevtik müalicə otaqları, qapalı hovuz, yeməkxana, istirahət guşəsi və digər tibbi xidmət sahələri xəstə uşaqların xidmətində olacaqdır.

Tikintisi “Gəmiqaya” Məhdud Məsuliyyətli Cəmiyyətin inşaatçıları tərəfindən aparılan yeni şəfa ocağı yaxın günlərdə istifadəyə veriləcəkdir.