Naxçıvanın 4 karateçisi Qarabağ turnirində qalib olub
Naxçıvan, 2 iyul, AZƏRTAC
Ağdam Olimpiya İdman Kompleksində mərhum idmançı Elçin Mahmudovun xatirəsinə həsr olunmuş karate üzrə Qarabağ turniri keçirilib.
Naxçıvan Muxtar Respublikası Gənclər və İdman Nazirliyinin mətbuat xidmətindən AZƏRTAC-ın bölgə müxbirinə bildirilib ki, 200-dən çox idmançının qatıldığı turnirdə Naxçıvan Muxtar Respublikasından 5 idmançı iştirak edib və onlar 4-ü qızıl, 1-i bürünc olmaqla, ümumilikdə, 5 medal qazanıblar.
Turnirdə kumite üzrə çıxış edən təmsilçilərimizdən Məhəmməd Bağırov (U-21, -68 kq), Canər Abbaszadə (16-17 yaş, -76 kq), Nizami Orucov (13 yaş, -45 kq) və Yusif Orucov (9 yaş, -25 kq) qızıl, Qədim Bağırov (14-15 yaş, -63 kq) isə bürünc medal əldə edib.
Bölmənin digər xəbərləri
