Nazir: İnanırıq ki, bütün vətəndaşlar ağacəkmə aksiyalarında daha fəal iştirak edəcəklər
Bakı, 27 aprel, AZƏRTAC
Bu gün Ümummilli Lider Heydər Əliyevin anadan olmasının 100-cü ildönümü münasibətilə Abşeron rayonunun Müşfiqabad qəsəbəsində 3 hektar ərazidə 3 min ağac əkildi.
AZƏRTAC xəbər verir ki, bunu ekologiya və təbii sərvətlər naziri Muxtar Babayev jurnalistlərə müsahibəsində deyib.
“Ümummilli Lider Heydər Əliyevin 100 illik yubileyinə həsr olunmuş ağacəkmə aksiyaları bir kampaniya kimi ilin əvvəlindən başlayıb və ilin sonuna qədər də davam edəcək. İnanırıq ki, bütün qurumlar, təşkilatlar, vətəndaşlar ağacəkmə aksiyalarında daha fəal iştirak edəcək və ölkəmiz daha yaşıl və gözəl olacaq”, - deyə M.Babayev qeyd edib.
Bölmənin digər xəbərləri
