Nazir: İnfrastruktur üzərində süni intellekt və bilik əsaslı sistemlər qururuq
Bakı, 29 sentyabr, AZƏRTAC
Sevindirici haldır ki, bu il bir neçə il əvvəl əkdiyimiz toxumların bəhrəsini görməyə başlamışıq. Bu dövr ərzində çox güclü rəqəmsal infrastruktur qurulub. İnternetin orta sürəti dəfələrlə artıb. ABŞ ilə əməkdaşlıq çərçivəsində yaxın aylarda "Microsoft Business Platform" istifadəyə veriləcək.
AZƏRTAC xəbər verir ki, bunu rəqəmsal inkişaf və nəqliyyat naziri Rəşad Nəbiyev “INMerge” İnnovasiya Sammitində çıxışı zamanı deyib.
Rəşad Nəbiyev bildirib ki, bu platforma dövlət xidmətlərinin vahid pəncərə prinsipi ilə əlçatanlığını təmin edəcək.
"Süni intellekt artıq sadəcə bir alət deyil. O həyatımızın formasını, yaşama tərzimizi və iş üsulumuzu köklü şəkildə dəyişdirən bir amilə çevrilib. Biz indi infrastruktur üzərində süni intellekt və bilik əsaslı sistemlər qururuq. Dünyanın aparıcı universitetləri ilə əməkdaşlıq çərçivəsində Azərbaycan Süni İntellekt Akademiyası fəaliyyətə başlayıb və hazırda yüzlərlə peşəkar mütəxəssis hazırlanır. Bu mütəxəssislərin yaxın illərdə əmək bazarına daxil olacağına inanırıq”, - deyə nazir əlavə edib.
Bölmənin digər xəbərləri
