NEFT MƏDƏNLƏRİNDƏ YENİ CİHAZ TƏTBİQ OLUNACAQDIR

13.05.2004 [10:46]
Çap et
A⁺ A^-

İstismarda olan neft quyularında texniki proseslər və nasazlıqlar barədə dəqiq məlumatlar almağa imkan verən yeni cihaz - “Kvantor-3R” “Balaxanıneft” Neft və Qaz Çıxarma İdarəsinin iki mədənində sınaqdan keçirilmiş və nəticə uğurlu olmuşdur.

Dövlət Neft Şirkətindən AZƏRTAC-ın müxbirinə demişlər ki, Tatarıstan Respublikasının Naberejnıye Çelnı şəhərindəki “Kvantor-T” elm-istehsalat firmasının mütəxəssisləri tərəfindən hazırlanmış bu cihaz ilk dəfə Rusiyanın Qərbi Sibirdə yerləşən neft mədənlərində tətbiq edilmişdir. “Kvantor-3R”in üstün cəhətlərindən biri də odur ki, alınan məlumatlar kompüterin yaddaşında qalır. Bu da ayrı-ayrı quyularda baş verən texniki prosesləri müqayisə etmək və düzgün nəticə çıxarmaq üçün əlverişli şərait yaradır.

Cihaz cari ilin ikinci yarısında “Azneft” İstehsalat Birliyinin mədənlərində tətbiq olunacaqdır.