NEFTÇALA RAYONUNDA DAHA BİR NEFT QUYUSU İSTİSMARA HAZIRLANIR
Qalmaz Dərin Qazma Ekspedisiyası Neftçala rayonunda daha bir neft quyusunda qazma işlərini başa çatdırmışdır.
Ekspedisiyadan AZƏRTAC-ın müxbirinə demişlər ki, hazırda quyunun yerüstü hissəsində son quraşdırma işləri görülür. Quyu mart ayında istismara veriləcəkdir. Geoloqların hesablamalarına görə, bu quyu da əvvəlkilər kimi, məhsuldar olacaqdır.
Xatırladaq ki, Ekspedisiya ötən ili uğurla başa vurmuşdur. Qazmaçılar Əli Əmirov adına və Bibiheybətneft neft-qazçıxarma idarələrinin,
“Anşad Petrol” müştərək müəssisəsinin sifarişləri ilə ümümi dərinliyi 4 min 800 metrə çatan üç quyunu vaxtında qazıb təhvil vermişdilər. İndi həmin quyulardan hər gün nəzərdə tutulandan artıq - 10-12 ton neft hasil edilir.
Bölmənin digər xəbərləri
