“Neftçi”nin sabiq baş məşqçisi yeni klubu ilə cəmi 5 dəqiqəyə anlaşıb
Bakı, 22 yanvar, AZƏRTAC
Ötən ilin dekabrında “Neftçi” ilə yollarını ayıran Adrian Mutunun yeni komandası bəlli olub.
AZƏRTAC xəbər verir ki, bu barədə 45 yaşlı mütəxəssis Rumıniya mətbuatına açıqlamasında deyib.
O, ölkəsinin ÇFR klubu ilə anlaşdığını bildirib: “Dünən gecə klubun prezidenti Nelu Varqadan mənə zəng gəldi. Danışığımız cəmi 5 dəqiqə çəkdi. İlk dəfə deyil ki, onunla belə şeyləri müzakirə edirik. ÇFR kimi komandaya rəhbərlik etmək istəyirdim. Amma bu qədər tez olacağını düşünməzdim”.
Qeyd edək ki, “Neftçi” cari mövsümün əvvəlində 2 illik müqavilə imza atan Adrian Mutu ilə əməkdaşlığa qarşılıqlı razılıq əsasında son qoyub.
Bölmənin digər xəbərləri
