N.Nərimanov adına NQÇİ-nin yaşıllaşdırma sahələrinə baxış keçirilmişdir
Bakı, 18 aprel (AZƏRTAC). Azərbaycan Respublikası Dövlət Neft Şirkətinin Ekologiya İdarəsinin yaşıllaşdırma departamenti “Azneft” İstehsalat Birliyi ilə müqaviləyə əsasən, birliyin ayrı-ayrı neftqazçıxarma idarələrində monitorinq aparır.
Şirkətin mətbuat xidmətindən AZƏRTAC-a verilən məlumata görə, bu günlərdə departamentin mütəxəssisləri tərəfindən N.Nərimanov adına NQÇİ-nin əməkdaşları ilə birgə idarənin yaşıllaşdırma tədbirləri aparılmış sahələrinə baxış keçirilmişdir. Baxış zamanı yaşıllaşdırma sahələrində əkilmiş ağacların vəziyyəti qənaətbəxş hesab olunmuşdur. Ərazidə yaz suvarma işlərinin vaxtında aparılması və ağaclara aqrotexniki qulluq sahəsindəki işlər də müsbət qiymətləndirilmişdir.
Aparılmış müşahidələrin nəticəsinə əsasən Ekologiya İdarəsinin mütəxəssisləri meyvə ağaclarının çiçəklənmə dövründə suvarılmasını müvəqqəti olaraq 5-10 gün müddətinə dayandırmağı, xəstəlik aşkarlanan bəzi ağacların müvafiq preparatlar ilə dərmanlanmasını məsləhət görmüşlər.
Bölmənin digər xəbərləri
