Oğurluq etmiş Zaqatala sakini saxlanılmışdır
Bakı, 6 noyabr (AZƏRTAC). Zaqatala rayonunun Muxax kənd sakini Asif Məmmədova məxsus mağazadan geyim əşyaları oğurlanmışdır.
Rayon polis şöbəsinin əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən kənd sakini Arif Aslanov saxlanılmışdır.
Aparılmış araşdırmalar nəticəsində onun həmkəndliləri Yeganə Ramazanovanın və İlqar Budusovun evindən də oğurluq etdiyi, Fərhad Abdullayevə məxsus “QAZ-31” markalı avtomobildən isə oğurluğa cəhd göstərdiyi müəyyən edilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, faktlarla bağlı cinayət işi açılmışdır, araşdırmalar aparılır.
Bölmənin digər xəbərləri
