OĞUZDA AYKİDO ÜZRƏ REGİONAL SEMİNAR KEÇİRİLMİŞDİR
AZƏRTAC xəbər verir ki, Oğuzda 40-dək aykidoçunun iştirakı ilə növbəti regional seminar keçirilmişdir.
Azərbaycan Aykido Federasiyasının prezidenti Fərhad Ələsgərov bildirmişdir ki, idmançıların və məşqçilərin texniki ustalığını artırmaq, habelə yeni metodiki tədris üsullarına yiyələnmək məqsədilə keçirilən seminarlar respublikamızda bu idman növünün daha çox yayıldığı bölgələrdə təşkil ounur. Noyabrın sonlarında belə bir regional seminar Gəncədə də keçirilmişdir. Bu, regionlarda aykidonun inkişafına təkan verəcəkdir.
Regional seminarın sonunda idmançı və məşqçilər imtahan vermişlər.
Dekabrın 22-də isə Bakıda respublika seminarının keçirilməsi nəzərdə tutulmuşdur.
Bölmənin digər xəbərləri
