Oğuzda qanunsuz kömür quyuları aşkarlanıb
Bakı, 29 oktyabr, AZƏRTAC
Oğuz rayonunda polis əməkdaşları tərəfindən ətraf mühitin mühafizəsi qaydalarına riayət olunması məqsədilə nəzarət-profilaktik tədbirlər keçirilib.
Daxili İşlər Nazirliyinin (DİN) mətbuat xidmətinin Şəki regional qrupundan AZƏRTAC-a verilən məlumata görə, tədbirlər zamanı rayonun Şirvanlı və Tayıflı kəndləri ərazisində qanunsuz yolla ağac kömürü istehsal edən quyular aşkarlanıb.
Qeyd edilən icazəsiz fəaliyyətlə məşğul olan 4 nəfər barəsində toplanmış materiallar qərar qəbul edilməsi üçün aidiyyəti üzrə göndərilib. Kömür quyularının fəaliyyəti isə dayandırılıb.
Bölmənin digər xəbərləri
