Oktyabrın 17-də ölkə üzrə genişmiqyaslı yaşıllaşdırma işlərinə start verilir
Bakı, 14 oktyabr, AZƏRTAC
Payız ağac əkini ilə əlaqədar oktyabrın 17-də ölkə üzrə genişmiqyaslı yaşıllaşdırma işlərinə start verilir.
AZƏRTAC xəbər verir ki, bunu Meşələrin İnkişafı Xidmətinin şöbə müdiri Vahid Fərzəliyev Ekologiya və Təbii Sərvətlər Nazirliyinin feysbuk səhifəsində yayımlanan “Ekspert saatı”nda deyib.
O bildirib ki, Bakı və Abşeronda, eləcə də ölkənin meşə fondu torpaqlarında hər bölgənin iqlim şəraitinə uyğun müxtəlifcinsli ağaclar əkiləcək.
“Azərbaycan Yaşıllaşdırma və Landşaft Quruluşu” ASC-nin sədr müavini Söhrab Abbasovun sözlərinə görə, bu ilin payız əkin mövsümündə qurum tərəfindən Bakı və Abşeron yarımadasında 121 hektar sahədə 75 mindən çox ağacın əkilməsi nəzərdə tutulub: “Müşfiqabad qəsəbəsinin 65 hektar ərazisində 40 mindən çox, Xocasən qəsəbəsinin 56 hektarında isə 35 min müxtəlifcinsli ağac əkiləcək”.
Bölmənin digər xəbərləri
