Ölkə ərazisində yağmurlu hava şəraiti üç gün davam edəcək
Bakı, 16 oktyabr, AZƏRTAC
Bakıda və Abşeron yarımadasında, eləcə də bölgələrdə müşahidə olunan yağmurlu hava şəraiti oktyabrın 18-dək davam edəcək.
Bu barədə AZƏRTAC-a Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova məlumat verib.
Yağışların bəzi rayonlarda leysan xarakterli olacağı, dağlıq ərazilərdə isə sulu qara, qara keçəcəyi gözlənilir. “Oktyabrın 16-da paytaxtda və bölgələrdə yağış yağacağı, bəzi dağlıq ərazilərdə isə yağıntıların sulu qara keçəcəyi barədə əvvəlcədən xəbər vermişdik”, - deyə G.Məmmədova bildirib.
Bölmənin digər xəbərləri
