ÖTƏN İL 4632 KİLOQRAM BALIQ VƏ 7,76 KİLOQRAM KÜRÜ MÜSADİRƏ EDİLMİŞDİR
Ekologiya və Təbii Sərvətlər Nazirliyi mütəxəssislərinin 2002-ci ildə keçirdiyi 394 reyd zamanı 4632 kiloqram balıq və 7,76 kiloqram kürü müsadirə edilmişdir. Nazirliyin mətbuat xidmətindən AZƏRTAC-ın müxbirinə bildirmişlər ki, müsadirə edilmiş balığın 4256 kiloqramı qiymətli nərə növləri, qalanları isə pullu balıqlardır. Bundan əlavə, qanunsuz balıq ovu vasitələri - müxtəlif növ 2241 tor, 20165 qarmaq, 50 qayıq, 23 qayıq motoru da müsadirə olunmuşdur. Brakonyerlik faktları üzrə 184 protokol tərtib edilmiş, 143 akt bağlanmış, 22 cinayət işi qaldırılmışdır. Ekoloqların hesablamalarına görə, ölkənin balıq ehtiyatlarına 268 milyon manat zərər vurulmuşdur ki, bunun da 248 milyon 690 min manatı artıq ödənilmişdir. Zərərin qalan hissəsinin ödənilməsinin gecikməsi isə bəzi işlərin istintaqının başa çatmaması ilə bağlıdır.
Bölmənin digər xəbərləri
