Ötən il İranda havanın çirkliliyi səbəbindən 42 minə yaxın insan ölüb
Bakı, 15 dekabr, AZƏRTAC
2021-ci ildə İranda havanın çirkli olması səbəbindən 41 min 700-dən çox insan həyatını itirib.
AZƏRTAC xarici KİV-lərə istinadla xəbər verir ki, bunu İran parlamentinin Ətraf mühit qrupunun sədri Süməyya Rafii bildirib.
O, Sənaye, Mədən və Ticarət Nazirliyinin ölkəyə gətiriləcək avtomobillərin emissiya standartını avro-6-dan avro 5-ə endirmək təklifini tənqid edib. Rafii havanın çirkliliyinin ölkəyə ildə təqribən 7-11 milyard dollar ziyan vurduğunu deyib. O, martın 21-dən etibarən paytaxt Tehranda havanın keyfiyyət indeksi baxımından qeyri-sağlam günlərin sayının əvvəlki ilin eyni dövrü ilə müqayisədə iki dəfə artdığını vurğulayıb.
Bölmənin digər xəbərləri
