Ötən il İspaniyada son 50 il ərzində əməkhaqqının rekord azalması qeydə alınıb
Madrid, 2 mart, AZƏRTAC
İspaniyada aparılan araşdırmaya görə, pandemiya səbəbindən bu ölkədə orta əməkhaqqı son 50 ildə ən aşağı səviyyəyə - aylıq 1641 avroya enib. Bu, son yarım əsr ərzində əməkhaqqının rekord azalması deməkdir.
İspaniyada orta əməkhaqqının 2017-ci ilin ikinci yarısında başlayan artım tendensiyası pandemiya və məşğulluğun müvəqqəti tənzimlənməsi ilə dayanıb.
Orta əməkhaqqının hesablanmasında alıcılıq qabiliyyətinin itkisi 1,4 faiz səviyyəsində qiymətləndirilir.
İspaniyada işsizlərin ümumi sayı 3,72 milyona yüksəlib ki, bu da son üç ildə ən yüksək göstəricidir.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
