Otuz doqquz nəfər Ədliyyə Akademiyasında icbari təlimə cəlb olunacaq
Bakı, 22 iyul, AZƏRTAC
Ədliyyə orqanlarına qulluğa qəbulla bağlı müsabiqənin test imtahanından uğur qazanmış namizədlərlə fərdi qaydada keçirilmiş söhbət mərhələsi yekunlaşıb.
Ədliyyə Nazirliyinin Müsabiqə Komissiyasından AZƏRTAC-a bildirilib ki, bu mərhələdə iştirak etmiş 55 namizəddən zəruri keçid balı toplamış 39 nəfərin Ədliyyə Akademiyasında icbari təlimə cəlb olunması barədə qərar qəbul edilib.
İyulun 29-dan etibarən başlayan icbari təlimin yekunları üzrə imtahandan uğurla keçən hüquqşünaslar peşə fəaliyyətinə buraxılma haqqında şəhadətnamə alaraq ədliyyə orqanlarına qulluğa qəbul olunacaqlar.
Namizədlərə icbari təlimlə bağlı Ədliyyə Akademiyası ilə əlaqə saxlamaları bildirilir (Bakı şəhəri, Vidadi küçəsi 158, telefon: 012-493-71-31).
Söhbət mərhələsində uğur qazanaraq icbari təlimə cəlb olunan namizədlərin siyahısı ilə linkdə tanış olmaq mümkündür.
Bölmənin digər xəbərləri
