Özbəkistanla müdafiə sənayesi sahəsində əlaqələrin perspektivləri müzakirə edilib
Bakı, 8 may, AZƏRTAC
Mayın 8-də Azərbaycan Respublikası müdafiə sənayesi nazirinin müavini Hidayət Əzimov ölkəmizdə səfərdə olan Özbəkistan Respublikasının Müdafiə Nazirliyi yanında Müdafiə Sənayesi Agentliyinin direktoru Mansurjon İbodullayevin başçılıq etdiyi nümayəndə heyəti ilə görüşüb.
Müdafiə Sənayesi Nazirliyinin mətbuat xidmətindən AZƏRTAC -a bildirilib ki, görüşdə ölkələrimiz arasında müdafiə sənayesi sahəsində əlaqələrin mövcud vəziyyəti və inkişaf perspektivləri müzakirə edilib.
Tərəflər əməkdaşlığın daha da genişləndirilməsi üçün bütün imkanların mövcud olduğunu vurğulayıb, qarşılıqlı etimad və dostluğa əsaslanan münasibətlərimizin inkişafında bu cür səfərlərin və keçirilən görüşlərin müsbət təsirini qeyd ediblər.
Konstruktiv şəraitdə keçən görüşdə qarşılıqlı maraq doğuran digər məsələlər ətrafında fikir mübadiləsi aparılıb.
Bölmənin digər xəbərləri
