ÖZƏLLƏŞDİRİLMİŞ DÖVLƏT MÜƏSSİSƏLƏRİNİN BORCLARI SİLİNİR

31.01.2004 [17:52]
Çap et
A⁺ A^-

Azərbaycan Respublikasının Dövlət Sosial Müdafiə Fondunda “Özəlləşdirilən dövlət müəssisələrinin, aqrar islahatlar nəticəsində ləğv edilmiş və işğal altında olan rayonların təsərrüfat subyektlərinin borcları haqqında” qanunun icrası ardıcıllıqla həyata keçirilir.

Fondun mətbuat xidmətindən AZƏRTAC-a bildirmişlər ki, indiyədək 260 milyard manatdan çox borc silinmişdir. Bu məbləğin 70 milyard manatdan çoxu özəlləşdirilməsi başa çatmamış müəssisələrin, təxminən 190 milyard manatı isə özəlləşdirmənin II Dövlət proqramına uyğun olaraq özəlləşdirilmiş dövlət müəssisələrinin borclarıdır.

İqtisadi İnkişaf Nazirliyinin təqdim etdiyi dövlət müəssisələrinin növbəti siyahıları icra üçün Fondun yerli orqanlarına göndərilmişdir.