Paralimpiyaçı Leo-Pekka Tyaxti Finlandiyada ilin idmançısı olub
Helsinki, 19 yanvar, AZƏRTAC
Finlandiyada ilin idmançısı fəxri adı ilk dəfə para-idman nümayəndəsinə verilib.
Paralimpiyaçı Leo-Pekka Tyaxti 2016-cı ildə Finlandiyada ilin ən yaxşı idmançısı hesab edilib.
Leo-Pekka Tyaxti ardıcıl keçirilən dörd paralimpiya oyunlarında əlil arabasında 100 metr məsafəyə qaçış üzrə, o cümlədən sonuncu dəfə Rio-de-Janeyro paralimpiya oyunlarında qızıl medal qazanıb.
L.Tyaxti ən yaxşı idmançı seçiləndən sonra bildirib ki, bu, bütövlükdə para-idman və idmanın bütün kiçik növləri üçün böyük uğurdur. O, təşəkkür nitqində deyib: “Mümkün olmayan şey yoxdur, yalnız inadla işləmək və öz arzusuna çatmaq üçün çalışmaq lazımdır”.
Nigar Cəfərli
AZƏRTAC-ın xüsusi müxbiri
Helsinki
Bölmənin digər xəbərləri
