PARİSDƏ EKOLOGİYA EKSPERTLƏRİNİN GÖRÜŞÜ KEÇİRİLMİŞDİR
Görüşdə Müstəqil Dövlətlər Birliyi ölkələri ilə yanaşı, başqa dövlətlərin və beynəlxalq maliyyə təşkilatların 35 nümayəndəsi iştirak etmişdir. Tədbirdə ölkəmizi Ekologiya və Təbii Sərvətlər Nazirliyinin baş eksperti Ramiz Rzayev təmsil etmişdir.
Görüş zamanı dünya ictimaiyyətini narahat edən qlobal ekoloji problemlər ətrafında geniş fikir mübadiləsi aparılmış, ekspertlər tərəfindən hazırlanan qaydaların əsas məqsədi açıqlanmış, iri sənaye müəssisələrinin fəaliyyəti nəticəsində ətraf mühitə atılan zərərli tullantıların həcmini minimuma endirməyin vacibliyi qeyd edilmiş, ekologiyanı qorumaq məqsədi ilə iri müəssisələrin ayrı-ayrı qurumlardan deyil, vahid bir qurumdan icazə almaları daha məqsədəuyğun sayılmışdır.
Ekspertlər belə bir kompleks icazə sisteminin Şərqi Avropa, Qafqaz və Mərkəzi Asiya dövlətlərinə tətbiq olunması sahəsində qarşıya çıxacaq çətinliklərin aradan qaldırılması yolları, ekoloji normaların kompleks icazələr sistemində tətbiq edilməsi və digər mühüm ekoloji məsələlər barədə də fikir mübadiləsi aparmışlar.
Bölmənin digər xəbərləri
