PARSABAD-İMİŞLİ XƏTTİ İLƏ ELEKTRİK ENERJİSİ VERİLİR
İran energetikləri ikitərəfli enerji mübadiləsi sazişi çərçivəsində Parsabad- İmişli xətti ilə Azərbaycana elektrik enerjisi verməyə başlamışdır. Müqaviləyə əsasən, elektrik enerjisi 2003-cü ilin aprel ayınadək veriləcəkdir. Bunu AZƏRTAC-ın müxbirinə “Azərenerji” SC-dən bildirmişlər.
Ölkəmizə Rusiya Federasiyasından da elektrik enerjisi daxil olur. Ümumiyyətlə, respublikaya digər ölkələrdən gündə təxminən 4 milyon kilovat-saat elektrik enerjisi verilir. Hazırda respublikanın elektrik stansiyalarında gündə təxminən 67 milyon kilovat-saat elektrik enerjisi istehsal olunur, ümumi tələbat isə bundan 6 milyon kilovat-saat çoxdur.
Bölmənin digər xəbərləri
