Paytaxtda daha iki yolda piyadaların təhlükəsiz keçidi təmin edilib
Bakı, 22 dekabr, AZƏRTAC
Daxili İşlər Nazirliyinin Nəqliyyatı İntellektual İdarəetmə Mərkəzinin (NİİM) əməkdaşları tərəfindən paytaxt yollarında monitorinqlər keçirilərək zəruri yerlərdə yeni işıqforların quraşdırılması işləri davam etdirilir.
NİİM-dən AZƏRTAC-a verilən məlumata görə, piyadaların rahat və təhlükəsiz keçidini təmin etmək üçün növbəti işlər paytaxtın Yasamal rayonu, Həsən bəy Zərdabi prospektində və Səbail rayonu, Bülbül prospektinin Üzeyir Hacıbəyli və Xaqani küçələri ilə kəsişməsində həyata keçirilib.
Belə ki, Yasamal rayonu, Həsən bəy Zərdabi prospektində iki dirək üzərində yeni düyməli piyada işıqforları quraşdırılıb, Səbail rayonu, Bülbül prospektinin Üzeyir Hacıbəyli və Xaqani küçələri ilə kəsişməsində yeni nəsil LED işıqlandırma ilə təchiz olunan piyada işıqforları quraşdırılaraq istifadəyə verilib.
Bölmənin digər xəbərləri
