Paytaxtda itkin düşmüş kimi axtarışda olan beş nəfər tapılaraq ailəsinə təhvil verilib
Bakı, 21 fevral, AZƏRTAC
Paytaxtın polis orqanları tərəfindən keçirilən əməliyyat-axtarış tədbirləri nəticəsində ötən gün 52 cinayətin üstü açılıb.
Bakı Şəhər Baş Polis İdarəsindən AZƏRTAC-a bildiriblər ki, onlardan 13-ü əvvəlki dövrlərdən bağlı olan cinayətlərdir.
Cinayətlərin 10-u narkotiklər, 1-i quldurluq, 1-i soyğunçuluq, 9-u isə xuliqanlıqla bağlıdır. Baş vermiş oğurluq hadisələri ilə əlaqədar keçirilmiş əməliyyat-axtarış tədbirləri nəticəsində 14 faktın üstü açılıb.
Cinayət Məcəlləsinin müxtəlif maddələri ilə və borca görə axtarışda olan 29 nəfər saxlanılıb. İtkin düşmüş kimi barəsində axtarış elan edilən 5 nəfər tapılaraq ailəsinə təhvil verilib.
Hər bir fakt üzrə müvafiq idarə, şöbə və bölmələrdə araşdırmalar davam etdirilir.
Bölmənin digər xəbərləri
