Paytaxtda oğurluqla məşğul olan şəxslər tutulublar
Bakı, 11 sentyabr, AZƏRTAC
Paytaxtın Binəqədi və Nərimanov rayonlarında oğurluqla məşğul olan şəxslər tutulublar.
Daxili İşlər Nazirliyinin mətbuat xidmətindən AZƏRTAC-a bildiriblər ki, avqustun 11-də Binəqədi rayonunun ərazisində bir avtomobildən 150 manat məbləğində pul oğurlamaqda şübhəli bilinən Bakı şəhər sakini İ.Rəsulov Rayon Polis İdarəsinin 43-cü polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Nərimanov Rayon Polis İdarəsinin 18-ci polis şöbəsinin əməkdaşları isə avqustun 11-də E.Məmmədovun içərisində 600 manat, hesabında 546 manat olan bank kartı və sənədlərin olduğu pulqabısını oğurlamaqda şübhəli bilinən Bakı şəhər sakini T.Talıbzadəni yaxalayıblar.
Hər iki faktla bağlı araşdırma aparılır.
Bölmənin digər xəbərləri
